Osmani dhe deputetja e Nismës përplasen në seancë: Nuk e di a jeni në LDK, kryetare pa parti - Gazeta Express

Lajme

Gazeta Express

18/09/2020 12:22

Osmani dhe deputetja e Nismës përplasen në seancë: Nuk e di a jeni në LDK, kryetare pa parti

Lajme

Gazeta Express

18/09/2020 12:22

Deputetja e Nismës, Arbëreshë Krasniqi, ka reaguar ndaj kryepalamentares Vjosa Osmani, që në Kuvend të Kosovës iu referua të njëjtës si deputete pa grup parlamentar, raporton Gazeta Express

“Deputete me grup, jam Arbëreshë Krasniqi. Deputete nga radhët e Nismës, tash nuk e di a jeni LDK, a qysh me ja bo kësaj pune. Mujte me thanë me emër dhe mbiemër, nëse po të pengon emri i Nismës”, ka thënë deputetja Krasniqi.

Megjithatë, Vjosa Osmani është arsyetuar se iu referohet në këtë mënyrë pasi që kështu thonë rregullat e Kuvendit.

“Zonja deputete ekzistojnë disa rregulla. Është çështje për qytetarët me e vlerësu kush ku është”, ka thënë Osmani.

“Nuk është çështje për ty, pa stres pa komplekse”, ka shtuar deputetja.

Kësaj deklarate të deputetes iu është përgjigjur Osmani.

“Jo, stres keni ju që s’po mundeni me u bo me grup”, ka thënë kryeparlamentarja.

Deputetja e Nismës e ka quajtur Osmanin kryetare të Kuvendit pa parti, duke thënë se tash e disa herë po diskutohet kjo çështje. /GazetaExpress/