OFL kërkesë Ervis Martinajt dhe vëllezërve Kaçorri për deklarimin e pasurive - Gazeta Express

Ballina

Gazeta Express

19/02/2020 13:44

OFL kërkesë Ervis Martinajt dhe vëllezërve Kaçorri për deklarimin e pasurive

Ballina

Gazeta Express

19/02/2020 13:44

Operacioni Forca e Ligjit u bëri thirrje tre shtetasve të tjerë për vetëdeklarim të pasurisë.

Bëhet fjalë për shtetasit Ervis Martinaj, me banim në Kurbin, person në hetim për veprën penale “Vrasja me paramendim”; dhe vëllezërit Kaçorri, konkretisht A. K., me banim në Tiranë, i dënuar në Itali për vrasje dhe V. K., me banim në Tiranë, i dënuar në Itali për vrasje dhe trafik armësh;

Brenda 48 orësh, këta individë, si subjekt i Ligjit Special, duhet t’u përgjigjen me shkrim të gjitha pyetjeve të OFL-së.

Më pas, përgjigjet e marra do t’i dërgohen SPAK-ut, për veprime të mëtejshme. Me qëllim evidentimin dhe dërgimin në SPAK, të të gjithë personave që janë subjekt i Ligjit Special, OFL është në veprim të pandërprerë dhe në kryerje të veprimeve komplekse.

Për të gjitha nismat procedurale dhe operacionet ekzekutive që do të kryejë, OFL do të informojë publikun në vijimësi