Nuri Seferi nokautohet që në raundin e parë nga rusi Murat Gassiev

Gazeta Express

31/10/2020 22:38

Boksieri shqiptar Nuri Seferi ka pësuar sonte humbje në Rusi me nokaut në raund të parë nga ish-kampioni i botës Murat Gassiev.

Gassiev me një të djathtë të fuqishme e rrëzoi Seferin 1:26 minuta pa mbaruar raundi i parë dhe ndonëse Seferi arriti të ngrihej, referi e vlerësoi se ai nuk ishte në gjendje të vazhdonte meçin.

Meçi i kategorisë së rëndë ishte paraparë të zhvillohej në 12 raunde dhe ishte në peshën e rëndë.

Për Seferin 43-vjeçar është humbja e dhjetë në boksin profesionist, karshi 41 fitoreve. Gassiev, ish-kampion bote në kategorinë kruzer, ka shënuar fitoren e 27-të në profesionizëm, ndërsa e ka një humbje.