Nuk ndalet Nora Gjakova, fiton sërish me “ippon” dhe kualifikohet në gjysmëfinale

Sport

Gazeta Express

16/04/2021 13:24

Nora Gjakova është kualifikuar në gjysmëfinale në Kampionatin Evropian që po mbahet në Lisbonë të Portugalisë.

Duket se është dita e Nora Gjakovës.

Pasi e mundi me “ippon” në rrethin e dytë spanjollen, Carla Ubasart Mascaro, xhudistja kosovare tregoi dhëmbët edhe kundër asaj ruse, Daria Mazhetskaia.

Me të nisur lufta Nora tregoi se ka ardhur në Lisbonë për medalje dhe arriti të fitojë me “ippon”, raporton Gazeta Express.

Në gjysmëfinale, Nora do të ketë punë me xhudisten nga Portugalia, Telma Monteiro.