“Nuk ka ilaç për mungesën e vullnetit”, Dukagjin Gorani thotë se Kushtetuesja e bëri një aktgjykim që nuk thotë asgjë

Lajme

Gazeta Express

18/08/2025 20:44

Analisti Dukagjin Gorani tha se Gjykata Kushtetuese nuk është në gjendje me riparu “grindjet dhe mosdurimet e ndërsjella politike”.

Ai tha se “nuk ka ilaç juridik dhe kushtetues për mungesën totale të vullnetit që populli me jetu bashkë në harmoni brenda kufijve të shtetit. Nuk ka disponim së paku 20 vitet e kaluara, vendi ku jetojmë s’është i interesuar me gjetë pikë të bashkëjetesës mes vete”, u shpreh Gorani në Pressing, transmeton Express.

Sipas tij, aktgjykimi i Kushtetueses “nuk thotë asgjë”.

“U mundova me lexu (aktgjykimin), njëra ndër pyetjet që kisha mujtë me i shtru është qysh ka me ndryshu qikjo sjelljen në Kuvend, pra në çfarë mënyre është intervenu që diçkafi në Kuvend me ndryshu? Çka ndodhë pas 30 ditësh?”, pyeti Gorani.

“Qysh është e mundur krejt këto Gjykata të mëdhaja e eksperta mos me pas përgjigje në kësi pyetje”, shtoi ai.

“Këtu bëhet fjalë për përplasje e grindje grupore, që është shndërru në konflikt politik që është mundu mu transformu në çështje juridike”, tha ai duke komentuar bllokadën në Kuvend.

Ai shtoi se gjasat janë të mëdha që bllokada të thellohet.