Nora Gjakova marshon sigurt, kualifikohet në çerekfinale të Botërorit - Gazeta Express

Sporte tjera

Gazeta Express

08/06/2021 12:52

Nora Gjakova marshon sigurt, kualifikohet në çerekfinale të Botërorit

Sporte tjera

Gazeta Express

08/06/2021 12:52

Nora Gjakova ka arritur të kualifikohet në çerekfinale të Kampionatit Botëror të xhudos që po mbahet në Budapest të Hungarisë.

Gjakova në raundin e tretë e mundi garuesen nga Holanda, Sanne Verhagen me Wazari në Golden Score, shkruan Gazeta Express.

Paraprakisht, Gjakova kishte mposhtur polaken Julia Kowalczyk në raundin e dytë, kurse në raundin e parë kishte kaluar pa lojë.

Akil Gjakova është eliminuar pak më herët nga Kampionati Botëror i Xhudos 2021 në Hungari, pasi e humbi luftën e parë kundër italianit Giovanni Esposito të martën.

Ai i bashkohet Flaka Loxhës dhe Distria Krasniqit si tre nga pesë xhudistët kosovarë që dëshpëruan në këtë turne në Budapest.

Megjithatë, Kosova ende i ka edhe dy xhudistë në garë për medalje, Nora Gjakovën në kategorinë -57 kilogramë dhe Laura Fazliun në kategorinë -63 kilogramë. /Gazeta Express/