Njohja e shtetit të Palestinës, Britania e Madhe paralajmëron Izraelin të mos hakmerret

Lajme

Gazeta Express

22/09/2025 7:41

Sekretarja e Jashtme britanike Yvette Cooper ka paralajmëruar Izraelin të mos aneksojë pjesë të Bregut Perëndimor në shenjë hakmarrjeje për njohjen e shtetësisë palestineze nga Mbretëria e Bashkuar.

Në një intervistë për BBC-në përpara se të marrë pjesë në konferencën e së hënës në OKB në Nju Jork, ku Franca dhe shtete të tjera evropiane pritet të bëjnë një njoftim të ngjashëm, Cooper tha se ia kishte bërë të qartë homologut të saj izraelit se ai dhe qeveria e tij nuk duhet ta bënin këtë.

“Ne kemi qenë të qartë se ky vendim që po marrim ka të bëjë me mënyrën më të mirë për të respektuar sigurinë për Izraelin, si dhe sigurinë për palestinezët. Bëhet fjalë për mbrojtjen e paqes dhe drejtësisë dhe, mbi të gjitha, sigurinë për Lindjen e Mesme dhe ne do të vazhdojmë të punojmë me të gjithë në rajon për ta bërë këtë”, tha ajo, përcjell A2 CNN.

Cooper tha se ashtu siç e njohim Izraelin, shtetin e Izraelit… ashtu duhet të njohim edhe të drejtat e palestinezëve për një shtet të tyren.”

“Gjëja më e lehtë për t’u bërë do të ishte thjesht të largoheshim dhe të thoshim se është shumë e vështirë. Ne thjesht mendojmë se kjo është e gabuar kur kemi parë kaq shumë shkatërrime, kaq shumë vuajtje. Ashtu siç e njohim Izraelin, shtetin e Izraelit… ashtu duhet të njohim edhe të drejtat e palestinezëve për një shtet të tyren.”

Ministria e Jashtme tha se Cooper do të shtyjë përpara ndërtimin e konsensusit ndërkombëtar mbi një kornizë për paqen në Lindjen e Mesme, nënvizon A2 CNN.

Franca do të bashkë-kryesojë një takim së bashku me Arabinë Saudite që do të trajtojë rrugën drejt një zgjidhjeje dy-shtetërore për konfliktin, pasi kjo e fundit u zotua të njihte shtetësinë palestineze në korrik. Belgjika pritet gjithashtu të ndjekë deklaratën e Francës në takim.

Në atë që ishte një ndryshim i rëndësishëm në politikë, Kryeministri Sir Keir Starmer njoftoi “një ditë më parë njohjen e shtetit palestinez nga Mbretëria e Bashkuar të dielën, së bashku me Kanadanë, Australinë dhe Portugalinë.

Kryeministri i Izraelit, Benjamin Netanyahu, i dënoi këto veprime, duke thënë se ato i japin “një shpërblim të madh terrorizmit”.

SHBA-ja iu bashkua atij duke e përshkruar këtë veprim si një dhuratë diplomatike për Hamasin, pasi ky i fundit sulmoi Izraelin më 7 tetor 2023, duke vrarë 1,200 njerëz dhe duke marrë peng 251 të tjerë.