Njohësit e drejtësisë thonë se institucionet e Kosovës duhet të jenë të interesuara për informatat që do të ndajë Simmons.
U emërua si kryetar i asamblesë së gjyqtarëve të EULEX-it në vitin 2014.
E gjatë mandatit të tij, Malcolm Simmons po pretendon që ka parë shumë parregullsi në rastet që trajtoi ky mision.
Kësisoj, pas gjashtë vitesh, Simmons po shprehet i gatshëm t’ju drejtohet anëtarëve të Komisionit për Legjislacion në Kosovë.
Ish-gjyqtari në letrën e tij dërguar këtij komisioni, ka thënë se mund të dëshmojë për ndërhyrje në hetime penale, kërcënime ndaj dëshmitarëve të mbrojtur e manipulim të trupit gjykues.
Simmons thotë se është i gatshëm të deklarohet para Parlamentit të Kosovës për të gjitha çështjet që flet në letër, duke thënë se ka edhe prova.
E këtë gatishmëri të tij po e vlerësojnë njohësit e drejtësisë.
Sipas Ehat Miftarajt nga Instituti i Kosovës për Drejtësi, të dhënat që ai ofron mund të sqarojnë shumë procese që kanë ngecur në Kosovë.
Sipas Miftarajt, kërkesa e Simmons është legjitime.
Ish-kryetari i gjyqtarëve të EULEX-it, Malcolm Simmons, ishte shprehur i gatshëm që të vijë në Kosovë për të dëshmuar parregullsi të mëdha të misionit, në veçanti në rastin “Drenica 2” edhe vite më parë.
Në përputhje me zhvillimet më të fundit në botën e gastronomisë, Sachpizza, një emër i njohur në skenën e...