Kombëtarja e Suedisë ka konfirmuar se Edvin Kurtulus ka zgjedhur për të përfaqësuar ngjyrat e këtij shteti.
Përzgjedhësi i suedezëve, Janne Andersson, ka thënë se është i lumturi që futbollisti nga Kosova ka zgjedhur Suedinë, shkruan Gazeta Express.
“Unë dhe Edvini kemi biseduar dhe kemi bërë një bisedë të mirë. Tani që ai është përzgjedhur për skuadrën A të Kosovës, atij i është dashur të bëjë një zgjedhje se cilën kombëtare dëshiron të përfaqësojë në të ardhmen. Jam shumë i lumtur që është Suedia që ka zgjedhur”, tha ai.
“Procesi është duke u zhvilluar, por përpara se FIFA të marrë vendimin zyrtar, Edvini nuk mund të përfaqësojë asnjë kombëtare. Nuk mund të themi se sa do të zgjasë, por do të bëjmë çmos për ta përshpejtuar çështjen. Nëse është e qartë para përfundimit të grumbullimit të radhës, ideja është se ai mund të bashkohet me skuadrën”, tha Stefan Pettersson, menaxheri i Kombëtares së Suedisë.
Kujtojmë se Edvin Kurtulus deri më tani ishte pjesë e Kombëtares U21 të Kosovës. Madje, ai ishte edhe kapiten i kësaj grupmoshe.
22-vjeçari u ftua nga përzgjedhësi i Kosovës A, Alain Giresse, për ndeshjet e qershorit, por në fund lojtari vendosi që të largohet. /Gazeta Express/
Edvin Kurtulus vill representera Sverige. ??⚽
— Svensk Fotboll (@svenskfotboll) May 27, 2022
?️ Jag och Edvin har pratat och haft ett bra samtal. Jag är mycket glad över att det är Sverige som han valt, säger förbundskapten Janne Andersson.
Läs mer här ⬇️⬇️
Samsung një ndër brendet më të njohura në botën e teknologjisë, sjell një promovim shumë tërheqës me paketë dhuratash...