Njihuni me makinën fluturuese XPeng që do dalë në treg më 2024

AutoTech

Gazeta Express

02/11/2021 22:40

Prodhuesi kinez i makinave elektrike – XPeng, ka zbuluar prototipin e tij të parë të një automjeti fluturues, që synohet të dalë në shitje me pakicë që më 2024.  

Sipas mediave të huaja, prodhuesi thotë se çmimi i makinës do të jetë 160 mijë dollarë.

Xpeng ka projektuar një makinë fluturuese që gjithashtu mund të lëvizë normalisht në rrugë, që është, për momentin, ende në fazën e prototipit.

Ashtu si diçka nga filmat, automjeti i ngjan një makine me dy krahë që mund të tërhiqen.

Si një multikopter, makina ngrihet vertikalisht dhe ulet në të njëjtën mënyrë.