Një tjetër zyrtare e task forcës në ministri e prekur nga koronavirusi. Bino: Të gjithë mund të infektohemi

Gazeta Express

28/03/2020 13:04

Pas kreut të Urgjencës Kombëtare, Skënder Brataj, rezulton pozitive në testin e koronavirusit edhe Mirela Cami, drejtore e Operatorit të Shërbimit të Kujdesit Shëndetësor.

Lajmin e ka konfirmuar sot Silva Bino e Institutit të Shëndetit Publik e cila tha se të gjithë mund të infektohemi.

A është e vërtetë që drejtoresha e operatorëve është pozitive me COVID-19?

Bino: Po është e vërtetë dhe nuk ka asnjë gjë, COVID-19 është sëmundje infektive, të gjithë mund të kemi kontakte e mund të infektohemi, e rëndësishme është të vetëizolohemi edhe në momente kur kemi kontakte e të marrim të gjitha masat e kontrollit. Edhe për drejtoreshën është kryer e njëjta procedure si me te gjithë qytetaret, ajo gjendet duke punuar nga shtëpia dhe është e vetëizoluar”.

Cami është pjesë e Task Forcës pranë Ministrisë së Shëndetësisë për koronavirusin.