“Një Shkëndijë Mund të Mjaftojë: Thirrje për Ndërgjegjësim nga Shoqata Vullnetare Zjarrfikëse ‘Bajram Miftari’”

Maqedoni

Gazeta Express

09/07/2025 20:07

Në katër ditët e fundit, si Shoqatë Vullnetare Zjarrfikëse “Bajram Miftari” nga Çairi, kemi qenë të pranishëm në terren për të ndihmuar në shuarjen e zjarreve në disa zona të ndryshme, si në Bllacė, Makedonski Brod, Gazi Babë, Vizbeg Shuto Orizare si dhe Stenkovec.

Fatkeqësisht, shumica e zjarreve janë shkaktuar nga pakujdesia njerëzore, duke rrezikuar jetën, pronën dhe mjedisin natyror.
Jemi thellësisht mirënjohës dhe krenarë për çdo vullnetar që, me guxim dhe përkushtim, dha ndihmesën e tij në kushte të vështira dhe të rrezikshme.

Apelojmë për më shumë ndërgjegjësim dhe kujdes nga qytetarët – sepse një shkëndijë e vogël mund të shkaktojë pasoja të mëdha.

Të mbrojmë natyrën dhe njëri-tjetrin!