Një qytetar nga Siberia nxjerr në shitje borën për banorët e Moskës

Gazeta Express

26/01/2020 14:28

Një qytetar rus, Vladimir Gorbanev, banor i Shanti Mansijsk në perëndim të Siberisë, ka postuar një lajmërim në një website shumë të njohur ekonomik Avito, analogu rus i eBay.

Siberiani propozon shitjen e dëborës për banorët e Moskës dhe të Shën Petërburgut të cilët për shkak të një dimri anormal, kanë përjetuar shumë pak ndjesinë e reshjeve të dëborës këtë vit. Gorbanev e reklamon dëborën si të freskët, të bardhë dhe pa ngjyrues. Në lajmërim janë fotografitë e dëborës dhe çmimi: 150 euro për një ngarkesë, ndërsa dorëzimi bëhet në magazinën e shitësit në Siberi.

I kontaktuar nga mediat në vend, ai shpjegoi se e kanë kontaktuar klientë të mundshëm duke i kërkuar një çmim më të ulët si dhe mundësinë e dorëzimit të dëborës në shtëpi.