Një person dyshohet se goditi një qen në Leposaviq, sipas policisë qeni ka mbetur i palëvizshëm

Lajme

Gazeta Express

23/05/2025 14:07

Policia e Kosovës ka njoftuar se në fshatin Dobravë të Leposaviqit të enjten një person ka goditur një qen dhe nga goditja qeni ka mbetur i palëvizshëm.

Lidhur me rastin, sipas policisë njësitë relevante kanë dalë në vendin e ngjarjes. Pas intervistimit të palëve në konsultim me prokurorin rasti do të hetohet në procedurë të rregullt.

“Është raportuar se i dyshuari mashkull kosovar e kishte goditur një qen dhe si pasojë qeni kishte mbetur i palëvizshëm. Lidhur me rastin njësitë relevante policore kanë dalë në vendin e ngjarjes, pas intervistimit të palëve në konsultim me prokurorin rasti do të hetohet në procedurë të rregullt”, thuhet në raport.