Një i vdekur dhe 20 të plagosur në Izrael nga sulmet e Iranit

Lajme

Gazeta Express

14/06/2025 7:12

Një person ka vdekur dhe më shumë se 20 janë plagosur pasi një raketë iraniane goditi pranë shtëpive në Rishon Lezion, në jug të Tel Avivit, thanë shërbimet e urgjencës të Izraelit.

Një numër i madh mjekësh janë dërguar në vendngjarje, ku kanë konstatuar dëme të mëdha dhe një numër personash të bllokuar nën rrënoja, raporton CNN, transmeton Gazeta Express.

“Është një skenë e vështirë dhe komplekse dhe ne ende po vazhdojmë të skanojmë dhe të sigurojmë që të mos ketë viktima shtesë brenda ndërtesave”, tha Rami Musher, zëvendësdrejtor i shërbimeve emergjente të rajonit Ayalon.

Një video nga agjencia e lajmeve Reuters shfaqi çatinë e dëmtuar të një shtëpie dhe dhjetëra punonjës shpëtimi dhe personel ushtarak në vend.