2 shqiptarë të cilët dyshohen se janë përgjegjës për ngritjen e një plantacioni kanabisi në një zonë të fshehur të Valencias në Spanjë kanë përfunduar në pranga
Operacioni i koduar ‘PYLL’ filloi në gusht pas dyshimeve për një kultivim në shkallë të gjerë të bimëve të kanabisit në komunën e Moixent, ndërsa pas hetimeve të shumta, u bë e mundur gjetja e të korrave në një zonë shumë të vështirë për t’u aksesuar, me një pjerrësi të madhe dhe pa rrugë apo shtigje pyjore pranë.
Shqiptarët e arrestuar në këtë operacion raportohet se ishin nën kujdesin e plantacionit të sipërpërmendur, madje banonin në një kamp të improvizuar në afërsi të bimëve narkotike. Në zonën pranë plantacionit u gjetën disa kasolle të punuara me shkopinj druri dhe mbulesa plastike jeshile, me qëllimin e vetëm për të mos u pikasur nga patrullimet ajrore të zonës dhe për t’u kamufluar mes gjelbërimit.
Në kuadër të operacionit u sekuestruan gjithsej 1780 bimë kanabisi dhe 705 kilogramë lëndë narkotike, ndërsa 2 shtetasit shqiptarë, 63 dhe 37 vjeç u arrestuan dhe ndodhen në paraburgim për veprën e kultivimit dhe prodhimit të drogës. /Gazeta Express
Çdo shtëpi është një hapësirë që duhet të jetë komode dhe e organizuar, për të lehtësuar jetën tonë të...