Kemi dëgjuar histori të ndryshme për N’Golo Kanten, i cili pavarësisht se sot fiton miliona, mbetet njeri i thjeshtë jashtë fushe, gjithmonë duke kujtuar vështirësitë që ka pasur si fëmijë.
Sa herë i është dhënë mundësia, në një apo tjetër mënyrë, Kante i është gjendur atyre që kanë pasur nevojë.
Tani Cedric Kipre, ish futbollisti i Leicester City, ka zbuluar një histori që ka ndodhur vite më parë.
“Kam jetuar në shtëpinë e Kante për disa muaj kur isha në Leicester. Kisha probleme me apartamentin dhe ai na strehoi mua dhe vëllain tim”, u shpreh Kipre.
“Jo të gjithë do ta kishin bërë këtë. Ishte vërtet diçka e mirë nga ai. Nuk ka njeri më të përulur se Kante”. /Gazeta Express/