Ngacmoi të miturën, arrestohet 64-vjeçari nga Devolli! U zbulua nga gjyshi i të miturës, i dërgonte SMS në telefon

Shqiperi

Gazeta Express

23/05/2024 20:40

Një 64 vjeçar nga fshati Hoçishti Devollit është arrestuar për ngacmim seksual të një 13 vjeçareje.

Denoncimi është bërë nga familjarët e vajzës. Zenel Rushitaj sipas familjarëve të vajzës e ka ngacmuar seksualisht të miturën prej disa muajsh ndërkohë që e kërcënonte që ajo të mos tregonte.

Rasti është zbuluar nga gjyshi i 13 vjeçares për shkak se ajo përdorte telefonin e tij celular për të komunikuar me 64 vjeçarin.

Teksa kanë zbuluar mesazhet e shkëmbyera mes Rushitajt dhe të miturës familjarët kanë folur me vajzën e cila ju ka pohuar se ishte ngacmuar seksualisht nga bashkëfshatari i saj dhe se ishte kërcënuar ndaj ata kane denoncuar në polici rastin. Sipas të dhënave 64 vjeçari është një person problematik.