Nga sot deri më 11 shtator Lista Zgjedhore në shqyrtim publik

Maqedoni

Gazeta Express

23/08/2025 11:11

Komisioni Shtetëror i Zgjedhjeve njoftoi se që sot e deri më 11 shtator fillon shqyrtimi publik i listës zgjedhore.

KSHZ u bënë thirrje qytetarëve të kontrollojnë veten në listë me qëllim që të korrigjohen informacionet e pasakta.

“Më datë 23 gusht fillon afati për shqyrtimin publik të listës zgjedhore që do të zgjasë deri më 11 shtator. Prandaj e shfrytëzojmë këtë mundësi që në funksion të zbatimit të veprimeve tona zgjedhore pa pengesa, në afatin e paraparë, publikisht i njoftojmë dhe i ftojmë qytetarët, të kontrollojnë listën”, tha Boris Kondarko, Kryetar i KSHZ-së.