Nga java e ardhshme vjen vala e parë afrikane – temperaturat mbi 30°C, mot stabil dhe me diell

Maqedoni

Gazeta Express

27/05/2025 15:28

Sipas parashikimit të meteorologut Slavço Poposki, gjatë javës së ardhshme në Maqedoni pritet të mbërrijë vala e parë e nxehtësisë afrikane, e cila do të sjellë rritje të ndjeshme të temperaturave dhe mot të qëndrueshëm veror.

Temperaturat pritet të ngjiten deri në 30°C në shumë rajone të vendit, ndërsa në rajonin e Vardarit ato do të kalojnë edhe këtë prag. Reshjet e shiut do të jenë thuajse të papranishme, gjë që nënkupton mot të kthjellët dhe stabil për disa ditë me radhë.

Kjo përkon edhe me fillimin e verës klimatologjike më 1 qershor, duke paralajmëruar një hyrje të nxehtë dhe me diell në sezonin e verës.