Nga Barcelona dëshirojnë që ta ‘rrëmbejnë’ Kanen prej Bayernit

Futboll

Gazeta Express

21/02/2026 14:09

Bayern Munich po përballet me një sfidë për të siguruar që Harry Kane të mos përfundojë te Barcelona sezonin e ardhshëm.

Kandidati presidencial i Barcelonës, Xavier Vilajoana, ka filluar tashmë kontaktet për një transferim të mundshëm të sulmuesit anglez nëse fiton zgjedhjet e muajit tjetër në klubin spanjoll.

Vilajoana – një nga katër kandidatët e konfirmuar për presidencë – ka premtuar se do të ndjekë një marrëveshje për sulmuesin, nëse zgjidhet.

Kane, 32 vjeç, ka shënuar 41 gola këtë sezon për Bayern dhe mbetet një nga sulmuesit më produktivë në futbollin botëror.

Barcelona pritet të ndahet me Robert Lewandowski kur kontrata e tij skadon në fund të sezonit.

Aktualisht, një lëvizje te Chicago Fire në MLS duket një mundësi e fortë për sulmuesin polak. Dhe Kane mund të jetë lojtari i radhës që të udhëheqë sulmin e Barcelonës – nëse kushtet përputhen.

Në një intervistë për “ESPN”, Vilajoana tha: “Çfarë na mungon është një sulmues – një qendër-sulmues i aftë të lidhet me lojën, por gjithashtu një vrasës brenda zonës… Ka një të tillë. Në fakt, kemi bërë tashmë disa kontakte, dhe mendoj se ai është një lojtar që do të përshtatej shumë mirë, duke pasur parasysh situatën e tij kontraktuale: është Harry Kane.”

Këto fjalë janë një paralajmërim për Bayern, të cilët kanë arritur të rezistojnë interesit nga Arabia Saudite, ku i janë bërë oferta të majme për ta tërhequr larg futbollit evropian. Kane nuk kishte interes për atë lëvizje, por Barcelona do të përfaqësonte një sfidë shumë më serioze për Bayernin.

Kane vazhdon të ketë ambicie të mëdha në karrierë. Ai dëshiron të plotësojë kabinetin e trofeve në vitet e fundit të karrierës së tij, dhe mundësia për të luajtur në Spanjë do të ishte shumë erëndësishme.

Skema ideale për Bayern është të sigurojë të ardhmen e Kane duke arritur një zgjatje kontrate para fundit të sezonit – dhe kjo mbetet objektivi i tyre. Kontrata aktuale i skadon në 2027, dhe bisedimet për një marrëveshje të re kanë qenë aktive gjatë gjithë sezonit. Por Barcelona është ndoshta i vetmi klub që mund t’i ndryshojë mendjen Kane.

Një pagesë e majme nuk ka qenë motivimi i tij kryesor, siç dëshmohet nga mungesa e interesit për lëvizjen në Arabinë Saudite. Megjithatë, të bashkohesh me një nga klubet më të mëdhenj në botë do të sillte mundësi të reja dhe potencial për trofe.

Për tani, Bayern janë duke synuar treble-n e tyre dhe shpresojnë ta bindin Kane të qëndrojë, por bisedimet për transferime pritet të bëhen temë kryesore teksa sezoni afrohet në fazat përfundimtare./GazetaExpress/