Neymar ka sjellë frikë te Brazili, pasi ka pësuar një lëndim sonte në ndeshjen ndaj Serbisë në Kupën e Botës “Katar 2022”.
Në ndeshjen e parë të zhvilluar në Grupin G, kombëtarja braziliane shënoi fitore me rezultatin 2:0, shkruan Gazeta Express.
Megjithatë, Neymar u detyrua të largohet nga loja në minutën e 79-të.
Sulmuesi i Paris Saint-Germainit pësoi një lëndim në kyçin e këmbës, që sipas pamjeve të para duket se ka marrë një lëndim të rëndë.
Gjithashtu, 30-vjeçari u pa me lot në sy pas largimit nga ndeshja shkaku i këtij lëndimi.
Mbetet të shihet në vazhdim se cila do të jetë shkalla e lëndimit të Neymarit. /Gazeta Express/