Neymar humb kontrollin, rrëzon përtokë kundërshtarin dhe e godet me top

Sport

Gazeta Express

18/09/2023 22:39

Al-Hilal nuk ka arritur të marrë më shumë se një barazim në ndeshjen e parë në Ligën e Kampionëve të Azisë.

Skuadra saudite luajti baras në shtëpi 1:1 me skuadrën nga Uzbekistani, Navbahor Namangan, shkruan Gazeta Express.

Te Al-Hilal nuk munguan në formacionin e titullarëve yjet që ka, përfshirë edhe Neymarin.

Braziliani nuk ia doli të ndihmojë skuadrën që të regjistrojë fitore, teksa në një moment atë duket se e lëshuan edhe nervat.

Neymar rrezoi përtokë një futbollist kundërshtar, të cilin pastaj edhe e goditi me top.

Megjithatë, 31-vjeçari shmangi kartonin e kuq në debutimin e tij me Al-Hilal në Ligën e Kampionëve, duke u ndëshkuar vetëm me karton të verdhë. /Gazeta Express/