Newcastle interesohet për lojtarin e Interit

Sport

Gazeta Express

29/08/2025 17:20

Davide Frattesi dhe Sandro Tonali ndajnë të njëjtin agjent, Beppe Riso, i cili tashmë kishte shtyrë për largimin e mesfushorit të Interit gjatë merkatos së janarit.

Sky Sport Italia ka raportuar se Newcastle ka rinisur bisedimet me Interin për Frattesin, duke sugjeruar se zikaltërit mund të jenë të hapur për të diskutuar një marrëveshje.

Nuk është hera e parë që Frattesi lidhet me një largim nga Interi muajt e fundit.

Më herët gjatë verës, pati raportime për interes nga Atletico Madrid, Chelsea dhe Newcastle, ndërsa agjenti i tij kishte diskutuar për një kalim të mundshëm te Roma në janar.

Riso, agjenti i Frattesit dhe Tonalit, madje ka pranuar se kishte tentuar ta largonte lojtarin nga Interi në merkaton dimërore.

“Ishte ideja ime,” tha Riso në shkurt.

“Ose, nëse preferoni, shtytja ime. E pashë Davidin të dëshpëruar sepse priste të luante më shumë, dhe më erdhi keq për të. Kështu që fillova të punoja për t’i gjetur alternativa, jo vetëm në Itali.”

Frattesi nuk kërkoi publikisht largimin nga Interi, por përfaqësuesi i tij punoi prapa skenës, duke parë se klienti i tij nuk ishte titullar i rregullt nën drejtimin e Simone Inzaghit.

Megjithatë, Frattesi regjistroi 56 paraqitje me Interin në sezonin 2024-25, duke luajtur gati 2,000 minuta në të gjitha kompeticionet dhe duke shënuar gola vendimtarë në Ligën e Kampionëve kundër Bayern Munich dhe Barcelonës.

Gjithsesi, 19 nga 36 paraqitjet e tij në Serie A sezonin e kaluar erdhën nga stoli, dhe edhe pse raportet gjatë verës sugjeruan se Cristian Chivu ishte gati të mbështetej më shumë tek ai këtë sezon, italiani mbeti i papërdorur në fitoren 5-0 ndaj Torinos fundjavën e kaluar.

Frattesi ka 15 gola në 89 paraqitje me Interin, dhe kontrata e tij në “San Siro” skadon në qershor 2028./GazetaExpress/