Netanyahu pretendon se Izraeli ka shkatërruar uzinën më të madhe petrokimike të Iranit

Lajme

Gazeta Express

06/04/2026 22:21

Kryeministri i Izraelit, Benjamin Netanyahu, ka pohuar se Izraeli ka shkatërruar uzinën më të madhe petrokimike në Iran, ka raportuar BBC, transmeton Gazeta Expresss.

“Ne po e çmontojmë sistematikisht makinën e parave të IRGC-së (Korpusit të Gardës Revolucionare Islamike),” thuhet në një postim në llogarinë X të Kryeministrit të Izraelit.

Në një deklaratë të veçantë, Forcat Mbrojtëse të Izraelit (IDF) thonë se kanë goditur dy komplekset më të mëdha petrokimike të Iranit, duke i bërë më shumë se 85% të eksporteve të tij petrokimike të paoperueshme.

IDF pretendon se një vend në Asaluyeh është përdorur si qendër për prodhimin e “komponentëve thelbësorë për industrinë e raketave të regjimit iranian”.

Gjithashtu, gjatë informimit të tij më parë, Presidenti Donald Trump tha se foli me Netanyahun të dielën.