Netanyahu: Fundi i regjimit iranian varet nga vullneti i iranianëve

Lajme

Gazeta Express

10/03/2026 9:19

Kryeministri izraelit Benjamin Netanyahu tha se përmbysja e regjimit në Iran është në duart e popullit iranian.

Netanyahu theksoi gjithashtu se gjithçka varet prej tyre dhe se Izraeli dhe SHBA do të vijojnë që ta  godasin Teheranin.

 “Dëshira jonë është ta udhëheqim popullin iranian që të heqë dorë nga zgjedha e tiranisë. Në fund të fundit, kjo varet prej tyre. Por nuk ka dyshim se nëpërmjet veprimeve tona deri më tani, ne po i godasim ata, dhe do të vazhdojmë t’i godasim. Nëse ia dalim mbanë së bashku me popullin iranian, do të sjellim ndryshim”, theksoi Netanyahu.

Ai theksoi se tashmë ka një “ndryshim të madh” në pozicionin e Izraelit në botë.