Nëpër ditën e 17 shkurtit 2008 — Moment i pritur me shekuj

Lajme

Gazeta Express

17/02/2021 21:07

13 vjet më parë Kosova u bë shteti më i ri në botë. 17 shkurti, ditë që kurrë s’do të harrohet.

Momenti i pritur me shekuj, po afrohej.

Por datën e shpalljes së pavarësisë, vetëm pak njerëz e dinin.

Në deklaratat e shpeshta të liderëve, kryesisht të kryeministrit të atëhershëm, thuhej se Kosova tashmë e di datën.

Por, në fakt, entuziazmi i madh, po mbahej pezull.

Më në fund, u bë e ditur, që 17 shkurti do të ishte data, që do ta fillonte kapitullin e ri për Kosovën.

E në këtë kapitull, me shkronja të mëdha, Kosova për herë të parë në historinë e saj, do të shënohej si shtet i pavarur.

Pavarësisht të ftohtit, sheshet kryesore të kryeqytetit, ishin mbushur me njerëz.

Kosovarët, manifestonin lirshëm, ndjenjat e shtypura me shekuj.

Të dielën e 17 shkurtit të vitit 2008, krahas flamurit kombëtar, nuk kishte si të mungonte, as ai amerikan.

Mijëra qytetarë, sy e vëshë, kishin drejtuar drejt udhëheqësve të asaj kohe.

E nuk vonoi shumë, ish – kryeministri i vendit, Hashim Thaçi, njoftoi se ka bërë kërkesën, për seancë të jashtëzakonshme.

Seancë kjo, më e rëndësishmja që do të mbahet në sallën plenare të Kuvendit të Kosovës.

E ky deklarim i Thacit, bëri që jashtë, të shpërthejë edhe më shumë festa.

Edhe në këto caste gëzimi, kosovarët nuk e harruan as mirënjohjen.

Por, kosovarët, nuk kishin si të festonin të vetëm në këtë ditë feste.

Atyre iu bashkuan qindra bashkombës nga Shqipëria.

E në rrugët e Prishtinës me 17 shkurt të 2008-es, dukej që kishte zbritur cdokush që frymonte shqip.

Ndryshe nga ngjyrat që shqiptarët për shekuj i mbajtën me krenari, diku në zyrat e kryeministrit, po bëhej gati një flamur i ri.

Më këtë flamur nga kjo datë, do të identifikoheshin shqiptarët e Kosovës.

E bashkë më të, tashmë ishte gati, edhe deklarata e cila, do ta bënte Kosovë, shtetin më të ri në botë.

Ndërkohë rreth orës 15:00, pasditën e ftohtë të së dielës, kryeministri Thaçi, u nis drejt Kuvendit të Kosovës.

E në këtë të fundit, deputetet e asaj legjislature, tashmë kishin zënë vendin.

Cili nga ta do të mungonte në seancën, e cila do të mbetej përgjithmonë në histori.

Pas fjalimeve të presidentit, Fatmir Sejdiu, dhe kryetarit të Kuvendit, Jakup Krasniqi, ky i fundit, e fton Hashim Thaçin, t’i bënte hapat më të rëndësishëm në jetën e tij.

E këtu, 109 deputetët e pranishëm në Kuvendin e Kosovës, u ngritën në këmbë.

Ishte ora 15:39 minuta, kur kryeministri Thaci, lexon fjalët për të cilat, ranë dëshmorë breza të tërë.

Pas kësaj, në seancë, u votua nëse kjo deklaratë e lexuar nga Thaci, do të kalonte apo jo.

E ashtu sic pritej, ajo kaloi pas asnjë votë kundër.Pas seancës, u harrua cdo rivalitet politik, ndërsa filluan urimet e përqafimet.

Ndërsa këta deputet, u pritën si heronj, gjersa po dilnin nga Kuvendi i Kosovës.

E festa, tashmë kishte filluar edhe në shtetin Shqiptarë.

Ngjashëm me Prishtinën e Tiranën, atë ditë historike, festë pati kudo që kishte shqiptarë. Kjo pasi Me 17 shkurt të 2008-es, Kosova u bë shteti më i ri në botë.