Mbrëmjen e sotme një ngjarje e rëndë raportohet të ketë ndodhur në Tiranë.
Nënë e bijë janë gjetur pa jetë në zonën e Kombinatit.
Sipas policisë ka qenë vëllai i 56- vjeçares që ka njoftuar policinë pasi ajo nuk i hapte derën dhe nuk i përgjigjej në telefon.
Pasi policia dhe zjarrfikëset u futën në banesë gjetën pa jetë nënën Zhaneta Josifi, 56- vjeçare dhe vajzën e saj Anisa Josifi, 30- vjeçe.
Ndërkohë që edhe vajza tjetër Blerta Josifi 34- vjeçe është dërguar në spital në gjendje të rëndë.
Dyshohet që nenë e bijë të jenë vetëflijuar.
“Më datë 02.07.2020, shtetasi S.F, ka njoftuar në Komisariatin e Policisë nr. 6 se në rrugën “Hamdi Cenoimeri”, motra e tij nuk i përgjigjej në telefon dhe nuk i hapte derën e banesës.
Në banesë kanë shkuar shërbimet e Policisë dhe të zjarrfikëses dhe pasi kanë hapur derën, kanë gjetur pa shenja jete shtetasen ZH.J., 56 vjeçe dhe vajzën e saj A.J., 30 vjeçe, ndërsa vajza tjetër B.J, rreth 34 vjeçe, është dërguar në spital, në gjendje të rëndë shëndetësore.
Paraprakisht nga veprimet e para hetimore dyshohet se janë vetëflijuar”, njofton policia.
Grupi hetimor i përbërë dhe nga dy ekspertë të mjekësisë ligjore ndodhet në vendngjarje dhe po punon për zbardhjen e plotë të rrethanave të ngjarjes./Express