“Negociova si tironc”/ Veliaj flet për kullën te Sahati: Do të jetë si bizhu për kryeqytetin - Gazeta Express

“Negociova si tironc”/ Veliaj flet për kullën te Sahati: Do të jetë si bizhu për kryeqytetin

Shqiperi

Gazeta Express

23/02/2021 22:19

Kryebashkiaku Erjon Veliaj, në “News 24”, foli për kullat në Tiranë dhe ato në qendër të qytetit, ku u shpreh se hoteli që po ndërtohet mbi kullën e Sahatit do të qëndrojë si një bizhu për kryeqytetin.

Ai tha se godina që po ndërtohet përbri bashkisë do të punësojë 300 punonjës dhe sipas tij do të jetë një projekt dinjitoz.

“E shoh përditë (Flet për godinën që po ndërtohet përbri bashkisë Tiranë), më mirë se ferrishtja dhe mijtë që ishin aty mbrapa është. Do presim të mbarojë, të shohim fasadën dhe të kuptojmë që do të jetë një hotel i mirë me 5 yje, do të ketë tokën e tyre, por do të punësohen 300 vetë. Ne themi duam turistë, i duam të gjithë në qendër. Bashkia e Tiranës që dikur pronën e falte, sot në këtë investim ¾ do të jetë e Tiranës. Nëse ish-kryetari i bashkisë e falte, unë kam negociuar si një tironc i vërtetë. Qyteti ka marr taksë, ka marrë metra katrorë. Durim, do të jetë një sfond dinjitoz dhe pronë publike e bashkisë. Kam mësuar nga kjo punë të mos acarohem,. Të mos humbasë fokusin Do të jetë një bizhu për Tiranën. Arkitektët e hotelit pas bashkisë janë ata të sheshit Skënderbej, që u kritikuan pafund dhe morën medalje në Barcelonë. Do pres si për sheshin, sepse ai mori çmim”, tha Veliaj.