Në koncertin e saj në New York, Dua Lipa e lëshon këngën që e këndoi në Prishtinë sa ishte e vogël

Rozë

Gazeta Express

19/09/2025 17:46

Këngëtarja nga Kosova, Dua Lipa, mbrëmë bashkë me fansat e saj e ka shikuar veten e saj të vogël duke kënduar një këngë në anglisht sa ishte në shkollë në Prishtinë.

Dua tashmë e ka bërë zakon që në secilin vend që performon në kuadër të turit të saj botëror, të këndojë një këngë të artistëve vendorë.

Në New York ajo zgjodhi këngën “No One” të artistes së këtij vendi, Alicia Keys.

Por, kjo s’do të ishte hera e parë që Dua do ta këndonte meqë atë e kishte bërë vite më parë në Prishtinë.

Videon nga perfomanca e saj, Dua e lëshoi në fillim para se të niste ta këndojë atë tashmë në moshë madhore dhe në mes të mijëra fansave.

Dhe natyrisht kjo u prit me entuziazëm nga publiku.

View this post on Instagram

A post shared by DUA LIPA (@dualipa)