Në "Favorit" kërkohet që Shqipëria të tërheq kandidaturën me Serbinë për Europian - Gazeta Express
string(79) "ne-favorit-kerkohet-qe-shqiperia-te-terheq-kandidaturen-me-serbine-per-europian"

Në “Favorit” kërkohet që Shqipëria të tërheq kandidaturën me Serbinë për Europian

Futboll

Gazeta Express

17/06/2024 0:27

Në emisionin sportiv “Favorit” është kërkuar që Shqipëria ta tërheq kandidaturën e përbashkët me Serbinë për organizimin e Kampionatit Evropian për U21 në vitin 2027.

Provokimet që i bënë sot tifozët serbë ndaj shqiptarëve ishin të papranueshme, e njëjtë u tha edhe në studion e “Favoritit”

Lexo Edhe:

Zyrtarja e FFK-së, Alba Morina tha se personalisht do të donte që FSHF ta tërheq kandidaturën

“Nuk dua të prononcohem si zyrtare e FFK-së për projektin e Shqipërisë me Serbinë për Europianin U-21. Besoj se FFK do të del me një qëndrim në kohën e duhur rreth kësaj. Por personalisht do të doja ta shihja Shqipërinë ta tërheq kandidaturën”, tha Morina

E i ashpër për këtë ishte edhe Granit Begolli që tha se është e palogjikshme të organizohet Evropian me Serbinë, kur tifozët e tyre e djegin flamurin shqiptar.

“Duke e parë formën se si na trajtojnë, na djegin flamurin, nuk e di me çfarë logjike do ta organizojmë Evropianin U-21 me Serbinë. Shpresoj që kryetari Duka do të tërhiqet. Po shihet se nuk mundemi me pas miqësi me ta”, tha Begolli.