Në ditën e votimit të Qeverisë Hoti vendoset karrige e të pames në sheshin e Prishtinës

Gazeta Express

03/06/2020 10:28

Në sheshin kryesor të Prishtinës një qytetar me emrin Hasan Mani, ka vendosur një karrige të bardhë me një peshqir dhe disa lule që simbolizon karrigen e të pames.

Një veprim i tillë është bërë pak minuta para se të fillojë seanca në Kuvendin e Republikës së Kosovës, ku pritet të votohet qeveria e drejtuar nga Avdullah Hoti i LDK-së.

Mani ka thënë se një veprim të tillë e ka bërë në shenjë proteste për zhvillimet në Kosovë dhe për vendimin e Gjykatës Kushtetuese të Republikës së Kosovës. /Express/