Ndikon në uljen e stresit dhe forcon imunitetin, arsyet pse duhet të hani lakra turshi - Gazeta Express

Ndikon në uljen e stresit dhe forcon imunitetin, arsyet pse duhet të hani lakra turshi

Shneta

Gazeta Express

15/11/2021 9:03

Lakra turshi është një burim i shumë vitaminave dhe një pjatë e shkëlqyer shtesë për pothuajse të gjitha gatimet “dimërore”.

Përveçse është e ulët në kalori (dhe numëron rreth 30 kalori për filxhan), ajo gjithashtu përmban lëndë ushqyese të rëndësishme si vitamina C, vitamina K, vitamina B6, fibra, hekur, bakër, mangan, folate dhe kalium.

Lexo Edhe:

Të mirë për zorrët

Për shkak se është një ushqim i fermentuar, lakra turshi përmban natyrshëm probiotikë dhe fibra prebiotike, dhe probiotikët funksionojnë në mënyrë efektive kur bëhet fjalë për kapsllëkun, diarrenë e lidhur me përdorimin e antibiotikëve dhe infeksionet, si dhe sindromën e zorrës së irrituar.

Forcon sistemin imunitar

Meqenëse afërsisht 70 deri në 80 për qind e imunitetit tonë varet nga shëndeti i zorrëve, të dy sistemet janë të lidhura pazgjidhshmërisht, që do të thotë se çdo ushqim që mbështet zorrët e shëndetshme gjithashtu mbështet një sistem të shëndetshëm imunitar.

Një ekzaminimi i kontrolluar e rastësishme tregoi se lakra turshi është i vetmi ushqim i fermentuar që është vërtetuar klinikisht se ndihmon me sindromën e zorrës së irrituar.

Fibrat probiotike ndihmojnë në ushqimin e baktereve të mira në zorrë, shkruan gastroenterologu integrues Marvin Singh.

Sipas bazës së të dhënave ushqimore të Departamentit Amerikan të Bujqësisë (USDA), një filxhan lakër turshi përmban katër gram fibra, që është e barabartë me 15 për qind të vlerës së rekomanduar ditore.

Ndikon në uljen e stresit

Është treguar se probiotikët menaxhojnë ankthin dhe simptomat e depresionit tek njerëzit për shkak të lidhjes midis zorrëve dhe trurit. Zorrët e shëndetshme janë baza për funksionimin e të gjithë trupit të njeriut.