Ndahet nga jeta dirigjentja e parë shqiptare, dha dekada mësim në Universitetin e Muzikës. E ëma e kantautorit të njohur

Gazeta Express

28/09/2020 20:18

Ndahet nga jeta në moshën 83-vjeçare dirigjentja e parë shqiptare, Rozmari Jorganxhi.

E ëma e kantautorit Gjergj Leka ka ndërruar jetë në Trieste të Italisë, raporton “News 24”.

Rozmari Jorganxhi ka nisur karrierën e saj që në vitin 1959 si soliste lirike.

Ajo ka qene “mezzosoprano” në TOB dhe ka interpretuar me profesionalizëm në nivele të larta role nga operat ndërkombëtare, por edhe ato kombëtare.

Nga viti 1967-1984 ajo ka dirigjuar Korin e TOB duke qenë femra e parë dirigjente e këtij institucioni unik të kulturës shqiptare.Ka dhënë dekada mësim në Universitetin e Muzikës duke i dhënë kulturës shqiptare emra artistësh si në fushën e dirigjimit ashtu edhe në atë të kantos.