Natyra Kuçi thotë se u pengua nga mbështetës të AAK-së gjatë aktiviteteve të saj në Deçan

Lajme

Gazeta Express

04/08/2025 21:03

Kandidatja e PSD-së për kryetare të Deçanit, Natyra Kuçi, ka thënë se është penguar nga mbështetës të AAK-së në këtë komunë.

Ajo ka thënë se e ka ditur që politika ka sfida, por shtooi se as zhurma e as serenat e panikut nuk e ndalin.

Por shton se pushteti lokal ka frikë se ajo si kandidate për kryetare i ka dhënë qytetarëve të Deçanit artikulim politik për problemet.

“As sulmi e zhurma, as serenat e panikut nuk mund ta ndalin, as për një minut të vetëm, aktivitetin tonë. Këto gjeste janë shenja frike nga denoncimet e mia të përditshme. Frikë që problemeve të Deçanit iu kam dhënë artikulim politik e zë. Frikë që qytetarët po bashkëpunojnë me mua në denoncim, teksa një pjesë e madhe e ideve për video janë të banorëve këtu. Nuk ka fishkëllimë që na tremb”, ka shkruar ajo në Facebook. /Gazeta Express