NATO intercepton sërish një raketë që po shkonte drejt Turqisë: Të gatshëm për t’i mbrojtur të gjithë aleatët kundër çdo kërcënimi

Lajme

Gazeta Express

09/03/2026 15:39

NATO konfirmoi se ka interceptuar sërish një raketë që po shkonte drejt Turqisë.

Zëdhënësja e NATO-s, Allison Hart shkroi në X se Aleanca qëndron “e vendosur në gatishmërinë e saj për të mbrojtur të gjithë aleatët kundër çdo kërcënimi”.

“NATO ka interceptuar përsëri një raketë që po drejtohej drejt Turqisë. NATO qëndron e vendosur në gatishmërinë e saj për t’i mbrojtur të gjithë aleatët kundër çdo kërcënimi”, shkroi Hart.

NATO has again intercepted a missile heading to Türkiye. NATO stands firm in its readiness to defend all Allies against any threat

— NATO Spokesperson (@NATOpress) March 9, 2026

Ministria turke e Mbrojtjes tha pak më herët se një tjetër raketë balistike iraniane u rrëzua ndërsa hynte në hapësirën ajrore turke, siç shkroi CNN.

Raketa u neutralizua nga mbrojtja ajrore e NATO-s që operon në Mesdheun lindor, tha ministria.

Disa pjesë të raketës ranë në tokë të pabanuar në zonën e Gaziantepit, shtoi ajo.

Javën e kaluar, forcat e NATO-s në Mesdheun lindor interceptuan një raketë të dyshuar iraniane ndërsa ajo po drejtohej drejt Turqisë.