NATO forcon mbrojtjen pas rrëzimit të dronëve rusë mbi Poloni

Lajme

Gazeta Express

11/09/2025 21:58

Disa anëtarë të NATO-s po dërgojnë trupa, artileri dhe sisteme mbrojtjeje ajrore për të siguruar krahun e saj lindor pas asaj që Polonia e quajti një inkursion të paprecedentë rus me dronë në hapësirën e saj ajrore.

Në orët e para të së mërkurës, tre dronë rusë u rrëzuan pasi kaluan në hapësirën ajrore polake.

Dronë të tjerë u rrëzuan në tokë dhe më vonë u gjetën në të gjithë Poloninë lindore.

Polonia ka kërkuar një seancë të Këshillit të Sigurimit të OKB-së në lidhje me incidentin, i cili do të zhvillohet të premten në orën 19:00, ka raportuar BBC, transmeton Gazeta Express.