Nagavci paralajmëron masa ndaj institucionit parashkollor “Gëzimi ynë”: Kushdo që ushtron dhunë të marrë dënimin e merituar - Gazeta Express
string(120) "nagavci-paralajmeron-masa-ndaj-institucionit-parashkollor-gezimi-yne-kushdo-qe-ushtron-dhune-te-marre-denimin-e-merituar"

Nagavci paralajmëron masa ndaj institucionit parashkollor “Gëzimi ynë”: Kushdo që ushtron dhunë të marrë dënimin e merituar

Lajme

Gazeta Express

19/09/2023 10:15

Ministrja e Arsimit, Arbërie Nagavci ka reaguar pas publikimit të pamjeve nga një çerdhe shtetërore në Fushë Kosovë, u ku shihet duke u rrahur brutalisht një tre vjeçar, shkruan Gazeta Express.

Nagavci tha se e dënon ashpër dhunën në këtë institucion parashkollor, teksa kërkoi dënimin e merituar ndaj personave që kanë ushtruar dhunë.

Lexo Edhe:

“Thellësisht e shqetësuar nga pamjet e publikuara të një çerdheje në Fushë Kosovë. E dënoj ashpër dhunën e ushtruar ndaj një të mituri në këtë institucion parashkollor. Dhuna është e papranueshme andaj, pres që kushdo që ushtron dhunë të marrë dënimin e merituar. Ajo që është më shqetësuese sipas pamjeve të publikuara, është se nuk bëhet fjalë vetëm për një person por më shumë edukatore të involvuara e që e shton dyshimin se nuk është fenomen i izoluar”, ka shkruar Nagavci.

Ajo konfirmoi se inspektori i Arsimit ndodhet në këtë institucion dhe paralajmëroi ndërmarrje të masvae të menjëhershme.

“Inspektorati i Arsimit ndodhet në këtë institucion dhe sapo të pranojmë raportin, do të ndërmarrim masa të menjëhershme. MAShTI, komunat dhe në përgjithësi si institucione kemi obligim të kujdesemi e të sigurohemi për mirëqenien e të gjithë fëmijëve”, ka thënë ajo. /Express/