Mustafi mund t’i bashkohet klubit të njohur italian - Gazeta Express

Mustafi mund t’i bashkohet klubit të njohur italian

Futboll

Gazeta Express

28/09/2020 17:00

Qendërmbrojtësi shqiptar pritet të largohet nga Arsenali gjatë këtij afati kalimtar dhe e ardhmja e tij mund të jetë pikërisht në Serie A

Shkodran Mustafi mund t’i ketë ditët e numëruara në Arsenal, shkruan Gazeta Express.

Futbollisti shqiptar mund të rikthehet në futbollin italian gjatë këtij afati kalimtar.

Në fakt, përfaqësuesi gjerman po kërkohet nga Lazio, ku mund të përfundojë para 6 tetorit, kur edhe do të mbyllet afati kalimtar.

“Biancocelesti” mund ta transferojnë ish-futbollistin e Evertonit, Sampdorias e Valencias për 12 milionë euro.

Mustafi e kishte pësuar një lëndim në korrik dhe nuk po mundet assesi ta marrë veten.

Ai ka kontratë edhe 10 muaj me “Topçinjtë”, të cilët megjithatë po planifikojnë ta shesin qysh tash, për të mos e humbur pa para në vitin 2021, pasi nuk janë të interesuar ndërkohë t’ia vazhdojnë kontratën.

Mustafi në Lazio do t’i gjente bashkëkombësit e tij, Thomas Strakosha dhe përforcimin e fundit, Vedat Muriqi. /Gazeta Express/