Muriqi shënon dy gola në fitoren e madhe të Fenerbahçes


Gazeta Express
6 Dhjetor 2019 20:42

Tjetër ndeshje, tjetër paraqitje e mirë, të tjerë gola. Vedat Muriqi vazhdon me formën e mirë në Turqi

Sulmuesi i Kombëtares së Kosovës, Vedat Muriqi, ka vazhduar me formën e mirë në Turqi.

Ani pse ka vetëm pak kohë që është kthyer nga dëmtimi, ai ka arritur të realizojë disa gola, duke treguar se menjëherë është rikthyer në super formë, aty ku e ka lënë.

Muriqi këtë të premte ka realizuar dy herë në fitoren 5-2 të Fenerbahçes kundër Genclerbirligi.

Ai fillimisht shënoi për të barazuar rezultatin në 1-1 në minutën e 23-të, derisa shënoi edhe për 3-1 në minutën e 39-të.

14 ndeshje, 10 gola dhe 3 asiste – Muriqi me të vërtetë po shijon sezonin më të mirë në karrierë. /Gazeta Express/

Te fundit


Kthehu lart