Faqja zyrtare e La Ligas ka publikuar disa statistika lidhur me xhiron e 38-të dhe të fundit nga sezoni 2021/22.
Statistikat janë publikuar edhe për Vedat Muriqin, i cili arriti të lë gjurmë në elitën e futbollit spanjoll, shkruan Gazeta Express.
Reprezentuesi i Kosovës kaloi te Mallorca në janar si huazim nga Lazio. Ai arriti që të shndërrohet në njërin prej futbollistëve kryesorë te kjo skuadër, të cilën e ndihmoi edhe që të sigurojë mbijetesën.
Sipas statistikave, Muriqi është në mesin e 15-të futbollistëve që menjëherë sa merrte topin, kishte një futbollist kundërshtar afër.
28-vjeçari gjithashtu ndodhet në mesin e dhjetë futbollistëve me më së shumti tentime për ndeshje – 3.
Sulmuesi prizrenas kryeson në listën për numrin e dueleve ajrore të kontestuara – afro 13.
Vedat Muriqi renditet u rendit i dyti për më së shumti duele ajrore të fituara, afro shtatë të tilla.
Ndryshe, Muriqi regjistroi 16 paraqitje në elitën e futbollit spanjoll. Ai shënoi pesë gola dhe shtoi tri asistime. /Gazeta Express/
Thellë nga natyra e paprekur, në zemër të Bjeshkëve të Istogut, nga mali madhështor i Moknës, shtrihet një perlë...