“MUP”-i serb pretendon se dikush ia çoi me postë 3 plumba Daçiqit, thonë se kanë identifikuar dërguesin

Lajme

Gazeta Express

29/08/2025 15:32

Ministria e Brendshme e Serbisë përmes një njoftimit për media, po pretendon se dikush përmes një zarf kishte dërguar 3 plumba në adresë të ministrit të brendshëm Ivica Daçiq në ndërtesën e Qeverisë së Serbisë.

Gjatë një kontrolli sigurie të dërgesës në një aparat me rreze X, thuhet se në zarf janë evidentuar tre plumbat.

Siç njofton kjo ministri, dërgesa e lartpërmendur ishte dorëzuar më 26 gusht 2025, në zyrën Postare të Serbisë në Pozharevc.

Policia serbe thuhet se ka identifikuar dhe lokalizuar personin që dorëzoi ngarkesën, dhe po punohet më tej për të përcaktuar të gjitha rrethanat e rastit.