MPB: Ndërpritet trafiku në rrugën nga Kryqëzimi i Mavrovës drejt Gostivarit për shkak të një aksidenti, automjetet po devijohen në rrugë dytësore

Maqedoni

Gazeta Express

08/09/2025 18:22

 Sot në Stacionin Policor Gostivar në orën 15:56 është raportuar një aksident rrugor në rrugën magjistrale nga Kryqëzimi i Mavrovës drejt Gostivarit, ku ishin të përfshirë katër motoçikleta dhe katër automjete.

Deri tani janë raportuar pesë persona të lënduar.

Trafiku në këtë rrugë magjistrale është i ndërprerë, dhe nga policët e SP Gostivar, trafiku po devijohet përmes rrugëve lokale dytësore.