Moti në Kosovë – temperatura përvëluese

Lajme

Gazeta Express

29/06/2025 22:52

Java e ardhshme parashihet të jetë me kushte të qëndrueshme meteorologjike, me mot kryesisht të kthjellët dhe me diell.

Temperaturat minimale do të lëvizin ndërmjet dhjetë deri në shtatëmbëdhjetë gradë Celsius, ndërsa ato maksimale ndërmjet njëzetetetë deri në tridhjeteshtatë gradë Celsius.

Apelohet për kujdes të shtuar ndaj rrezeve të diellit, veçanërisht për fëmijët, të moshuarit dhe personat me ndjeshmëri ndaj temperaturave të larta. Do të fryjë erë kryesisht nga veriperëndimi me shpejtësi një deri në shtatë metra për sekondë.

E hënë

Moti do të jetë kryesisht me diell. Temperaturat minimale do të jenë ndërmjet njëmbëdhjetë dhe pesëmbëdhjetë gradë Celsius, ndërsa ato maksimale do të lëvizin nga njëzetenëntë deri në tridhjetetre gradë Celsius. Do të fryjë erë e lehtë nga drejtime të ndryshme.

E martë

Moti do të jetë me diell gjatë gjithë ditës. Temperaturat minimale do të sillen ndërmjet katërmbëdhjetë dhe shtatëmbëdhjetë gradë Celsius, kurse ato maksimale pritet të arrijnë nga njëzetetetë deri në tridhjetedy gradë Celsius. Era do të fryjë nga veriperëndimi me shpejtësi një deri në tri metra për sekondë.

E mërkurë

Moti parashihet me diell dhe vranësira të shpërndara. Temperaturat minimale do të jenë nga dhjetë deri në gjashtëmbëdhjetë gradë Celsius, ndërsa maksimalet do të lëvizin ndërmjet njëzetenëntë deri tridhjetetre gradë Celsius. Do të fryjë erë nga veriperëndimi me shpejtësi një deri në tre metra për sekondë.

E enjte

Moti do të jetë me diell dhe vranësira të pakta, kryesisht mbi relievin malor. Temperaturat minimale do të lëvizin ndërmjet dymbëdhjetë dhe gjashtëmbëdhjetë gradë Celsius, kurse maksimalet do të arrijnë nga tridhjetenjë deri në tridhjetepesë gradë Celsius. Era do të fryjë e lehtë deri mesatare nga verilindja.

E premte

Moti do të jetë me diell dhe vranësira të shpërndara.  Temperaturat minimale do të lëvizin ndërmjet dymbëdhjetë dhe tetëmbëdhjetë gradë Celsius, ndërsa maksimalet e ditës nga tridhjetedy deri në tridhjeteshtatë gradë Celsius.

Do të fryjë erë e lehtë deri mesatare nga veriperëndimi një deri në shtatë metra për sekondë, thuhet në raportin e parashikimit të motit nga Instituti hidrometeorologjik i Kosovës./KP