Mosdekretimi i Kryeprokurorit, Presidentja ua dërgon mediave dokumentin 18 faqësh që ia çoi KPK’së sot

Lajme

Gazeta Express

17/10/2023 20:36

Presidentja Vjosa Osmani ka vendosur të mos e dekretojë Blerim Isufajn për kryeprokuror të Shtetit.

Ajo u shpreh se “procesi i përzgjedhjes së kryeprokurorit është cilësuar si i parregullt, diskriminues, i orkestruar, i kundërligjshëm nga të gjithë vëzhguesit e procesit, si nga organizatat vendore, ashtu edhe nga shumë prej partnerëve ndërkombëtar”.

“Bazuar në frymën dhe shkronjën e Kushtetutës sonë, të argumentuar nga aktgjykimet e shumta të Gjykatës Kushtetuese, konsideroj se nuk mund të kemi funksionim kushtetues të institucioneve nëse një proces nuk zhvillohet mbi respektimin e procedurave kushtetuese dhe ligjore”, tha Osmani.

E Presidenca ua ka dërguar mediave për publikim edhe dokumentin 18 faqësh që Osmani ia ka dërguar Këshillit Prokurorial lidhur me këtë çështje, ku ndër të tjera thuhet se “procesi i përzgjedhjes së kryeprokurorit të shtetit është përcjellë me raportime e reagime për parregullsi të shumta, nga organizatat e pavarura që kanë monitoruar procesin e zhvilluar në KPK, duke përfshirë edhe partnerët ndërkombëtarë, të cilët në vazhdimësi kanë mbështetur ndërtimin dhe zhvillimin e sistemit prokurorial në vendin tonë”.

Dokumenti i plotë:

Nga KPK kanë shprehur mospajtim të thellë me deklaratat e Presidentes, duke thene se jane “të ndërtuara mbi një rrafsh më tepër politik sesa kushtetues dhe ligjor”, derisa arsyetimet e saj për mosdekretimin e Isufajt, i kanë cilësuar “tejet të pabazuara dhe jashtëzakonisht tendencioze”,