“Mos na tregoni përralla me Simiça, me Rašića. Zhbllokone Kuvendin”, vendosen pankarta në hyrje të Kuvendit pasa nisjes së seancës

Lajme

Gazeta Express

30/08/2025 10:29

Një qytetar ka vendosur disa pankarta në hyrje të Kuvendit të Kosovës, në prag të mbajtjes së seancës së radhës për konstituimin e Kuvendit, duke e shndërruar këtë veprim në një formë proteste ndaj bllokimit politik që ka pamundësuar funksionalizimin e Kuvendit tash e disa muaj, raporton Ekonomia Online.

Në pankarta, ai ka shprehur mesazhe të drejtpërdrejta ndaj deputetëve dhe klasës politike. Në njërën prej tyre shkruhet: “Mos na tregoni përralla me Simiça, me Rašića e me arusha. Zhbllokone Kuvendin nisjani punës!”. Ndërsa një pankartë tjetër, e shkruar në gjuhën serbe, përmban mesazhin: “Branislave, želim ti brz i srećan oporavak” (Branislav, të uroj shërim të shpejtë dhe të lumtur).

Ky veprim simbolik vjen si reagim qytetar ndaj ngërçit politik që ka krijuar vonesa të gjata në konstituimin e Kuvendit të Kosovës, duke ngritur shqetësimin se mungesa e funksionalizimit po dëmton jetën institucionale dhe proceset demokratike në vend.