Momente tensioni në PSG – Chelsea, Pedro Neto e përplas në tokë një mbledhës topash

Sport

Gazeta Express

12/03/2026 9:10

Momente tensioni në fund të ndeshjes mes Paris Saint‑Germainit dhe Chelseat, ku në një moment frustrimi sulmuesi i londinezëve Pedro Neto e shtyu një mbledhës topash.

Episodi ndodhi pak pas golit të 4-2 të Khvicha Kvaratskhelia: ndërsa Chelsea e kishte fituar një rivënie anësore, një mbledhës topash u tregua i ngadalshëm për ta kthyer topin, gjë që e shkaktoi zemërimin e portugezit, i cili e shtyu duke e rrëzuar në tokë, shkruan “Gazeta Express”.

O Pedro Neto empurrou o gandula pra pegar a bola 😳

pic.twitter.com/FvJMRcMZ5S

— DataFut (@DataFutebol) March 11, 2026

Situata bëri që të tensionohen gjakrat dhe të shpërthejë një përplasje mes lojtarëve në fushë.

Në fund Neto kërkoi falje ndaj djaloshit dhe loja mundi të vazhdonte.

Gjyqtari i ndeshjes, spanjolli Alejandro Hernández Hernández, vendosi të mos marrë masa ndëshkuese.

Në fund pati ende kohë edhe për një gol tjetër, atë të 5-2 përfundimtare nga Kvaratskhelia. /Gazeta Express