Moment emocionues, koreografia e tifozëve të Gallatasarait që përloti sulmuesin Osimhen

Sport

Gazeta Express

11/03/2026 7:02

Emocione rrëqethëse për Viktor Osimhen para fillimit të ndeshjes në Stamboll, në përballjen mes Gallatasarait dhe Liverpulit në ndeshjen e parë të fazës së 1/8-ave të Champions League.

Sulmuesi nigerian shpërtheu në lot gjatë prezantimit të skuadrave, i pushtuar nga emocionet për koreografinë prekëse të përgatitur nga tifozët turq.

Osimhen, i cili fitoi titullin kampion në vitin 2023 me Napoli nën drejtimin e trajnerit Luçiano Spaletit, nuk arriti të përmbante emocionet përballë mesazhit të tifozëve:

Victor Osimhen in tears as Galatasaray fans delayed the banner of his late mother ahead of the Liverpool clash. 😭#PoojaInTurkey #ChampionsLeague pic.twitter.com/sKw9VlFare

— POOJA!!! (@PoojaMedia) March 10, 2026

“Ne jemi një familje dhe familja është gjithçka”.

Në tribunë ishte shfaqur një koreografi ku paraqitej sulmuesi në faza të ndryshme të karrierës së tij, ndërsa mbi të ishte figura e nënës së tij që e shikonte nga qielli. Nëna e futbollistit kishte ndërruar jetë kur ai ishte vetëm tre vjeç.