Modric përcillet me koridor nderi në ndeshjen e tij të fundit me Real Madridin

Futboll

Gazeta Express

24/05/2025 18:47

Luka Modric e luajti sot ndeshjen e tij të fundit me Real Madridin.

Mesfushori kroat fitoi krejt çka fitohet me “Los Blancos” në një aventurë të lavdishme, shkruan Gazeta Express.

E lamtumira e tij ishte speciale po ashtu.

Të dy ekipet e formuan koridorin e nderit në momentin e zëvendësimit në minutën e 89-të në ndeshjen ndaj Real Sociedadit.

E Modricin e tradhtuan edhe lotët, teksa nuk mundi të përmbahej nga emocionet.