Modric e shpëton Milanin, ia mban gjallë shpresat për Scudetto

Futboll

Gazeta Express

13/02/2026 22:48

Milan fitoi me shumë vështirësi 2-1 në transfertë ndaj Pisas.

Golat u shënuan nga Ruben Loftus-Cheek dhe Luka Modric, ndërsa Niclas Fullkrug humbi një penallti dhe Adrien Rabiot u përjashtua në fund.

Milan kaloi në avantazh me golin me kokë të Loftus-Cheek pas krosimit të Zachary Athekame.

Në pjesën e dytë, Fullkrug humbi një mundësi të artë nga penalltia, gjë që i dha shpresë vendasve.

Pisa barazoi kur Felipe Loyola shënoi nga brenda zonës pas një aksioni të nisur nga Filip Stojlkovic dhe Stefano Moreo.

Fitorja e Milanit erdhi falë një aksioni të bukur të Modric, i cili kombinoi me Samuele Ricci dhe shënoi me pjesën e jashtme të këmbës – goli i tij i dytë në Serie A.

Në fund, Rabiot mori karton të kuq pas protestave dhe do të mungojë si ndaj Como 1907, ashtu edhe në derbin ndaj Interit.

Me këtë fitore, Milani shkon në kuotën e 53 pikëve, pas 24 ndeshjeve, me pesë pikë më pak se Interi që kryeson tabelën./GazetaExpress/